ХКН-ыг бүх талаар цэгцлэх, Намын олон түмэнч үзэл санаа, сурган
хүмүүжүүлэх бодит хөдөлгөөнийг өрнүүлэн, хэлбэрдэх үзэл, хүнд сурталт үзэл,
зугаа цэнгэл хөөцөлдөх үзэл, хэт үрэлгэн байдлыг эрс эсэргүүцэхийн тулд ХКН-ын
18-р их хурлаас хойш Төв хороо “Найман зүйл журам”-ыг боловсруулан 2012 оны 12
дугаар сарын 04-ний өдөр батлан гаргасан. “Энэхүү журам нь намыг ямагт цэвэр
ариун, тэргүүний байлгах, нам нь ард түмний мах, цусны холбоог хадгалах,
“Хятадын онцлогтой социализм”-ын үйл хэрэгт удирдагч, манлайлагч-гол цөм
байхад нэн чухал ач холбогдолтой бөгөөд хэрэгжүүлэх ажлыг нам өөрөөсөө эхэлнэ,
намын доторх сүүдэр далд байгаа хар хэргүүдийг илчилж, гэрэлд гаргах ба “Найман
зүйлийн журам” бол намын эцсийн зорилго биш, бид арга барилаа өөрчлөх эхний
алхам юм” хэмээн ХКН-ын Төв хорооноос мэдэгдэж байсан.
“Найман зүйл журам”-ын гол агуулга:
- Шалгалт, судалгааны ажлын арга барилыг өөрчилж, доод шатны давхаргад
хүрч, бодит байдлыг гүнзгий судлаж, туршлага хуримтлуулж, дүгнэж цэгнэх,
асуудлыг судлан, шийдвэрлэх, ажилд нь зааварчилгаа өгч, олон түмнээс
болон бодит практикаас суралцан, олон түмэн болон боловсон хүчинтэй чин
сэтгэлээс ярилцан, хэлэлцэж, үлгэр жишээч байдлыг илрүүлэн, бэрхшээл
ихтэй, зөрчил ихтэй, олон нийтийн санал, шүүмжлэл ихтэй газарт олон удаа
очиж, хэрэгцээ, шаардлагатай газрыг тойрч явалгүй, шинэ соргогоор мэдэрч
ажиллах. Суудлын машин хөлөглөн, олон хүнээр зочлуулахыг цээрлэж, элдэв
уриа лоозон өлгүүлж, үдэж, угтуулж, хивс дэвсүүлж, цэцгийн баглаа авч,
дайллага цайллага хийлгэлгүй байхыг хичээвэл зохино. - Хурал цуглааны үйл ажиллагааг цөөлөн, хялбар дөхөм болгон, хурлын
хэлбэр байдлыг шинэчлэн, Төв Хорооны нэр барьж, улсын чанартай хурал ба
элдэв хөдөлгөөн зохион байгуулахыг эрс хязгаарлах. Хоосон амласан,
шаардлага нэхсэн хурлыг зохион байгуулахгүй байх. Мөн тууз хайчлах, хөшөө
дурсгал босгох, баярын шагнал гардуулах, үзэсгэлэнгийн нээлт, дугуй
ширээний ярилцлага гэх мэтийн арга хэмжээг Төв Хороо батлаж,
зөвшөөрөөгүй нөхцөлд дур мэдэн зохион байгуулахгүй байх. Хурлын үр
өгөөжийг дээшлүүлж, бага цагт товчхон, хоосон сүржин үг хэллэггүй зохион
байгуулах. - Илтгэл, бичиг баримтыг аль болох товч, энгийн үйлдэж, энэ талын арга
барилаа шинэчлэх, онцгой ач холбогдолгүй, утга санаа нь тодорхой бус
илтгэл ба бичгийг үйлдэж илгээхгүй байх. - Томилолтоор явах, зочлох ажлыг нэг мөр болгон, гадаад харилцааны ажлын
шаардлагаар томилолтоор явах ажлыг зөв зохистой зохион байгуулж, олон
хүн дагалдан явахыг хязгаарлан, тогтоосон тээврийн хэрэгслийг хэрэглэх ба
хамтарсан компани болон бусад цагаач иргэд, гадаадад суралцаж буй
оюутнаар нисэх буудал хүргүүлж, үдүүлэх үйл ажиллагааг огт зохион
байгуулахгүй байх. - Харуулхамгаалалтынажлынбайдлыгшинэчлэн,олоннийттэй,ашигтайхэлбэрэ
эр харилцах зарчмыг тууштай баримтлах, зам тээврийн үйл ажиллагааг
цагдан хорьдог байдлыг эрс багасгах, онцгой бус тохиолдолд зам хаах, олон
нийтийн газар, зочид буудал, рестораныг онц шаардлагагүй бол битүүмжилж,
хаахгүй байх. - Хэвлэл мэдээллийн ажлыг өөрчлөх хэрэгтэй. ТХ-ны УТГ-ын нөхөд оролцсон
хурлын үйл ажиллагааг ажлын шаардлагыг үндэслэн, мэдээллийн үнэ цэнэ,
нийгмийн үр өгөөжийг харгалзан мэдээлэх эсэхийг шийдвэрлэж байх, ахин
дахин нэвтрүүлдэг тоог цөөлж, аль болох товч, бага цагт багтсан нэвтрүүлэг
явуулах. - Эх бичиг, зохиомж зэргийг нэгдсэн журмаас гадуур нийтлэхийг хязгаарлах,
хувь хүний зохиол, хэлсэн үгийн эмхтгэлийг хэвлэж нийтлэхгүй байх, баярын
захидал, цахилгаан илгээхгүй, дурсамж үг, үсэг бичихгүй байх, - Арвич, хямгач байж, төр засгаас тогтоосон холбогдох журмыг мөрдөж, орон
сууц, унааны хуваарилалт, ажил, амьдралын тусгай хангамжийг хатуу ягштал
баримтлах.
ХКН-ын ТХ-ноос “Найман зүйлийн журам”-ыг батлан гаргаснаас хойш 22
хоногийн дараа буюу 2012 оны 12 дугаар сарын 26-нд Жянсү мужийн Намын Хороо
“Найман зүйлийн журам”-ыг судлаж, суралцах явцдаа “Зургаан зүйлийг хориглох
тушаал” гарган мужийн хэмжээнд дагаж мөрүүлсэн байна. Энэхүү “Зургаан зүйлийг
хориглох тушаал” ХКН-ын ТХ-ны анхаарлыг татаж улмаар тусгай тогтоол гарган
батлаж, бүх орон даяар мөрдүүлэх болжээ.
“Зургаан зүйлийг хориглох тушаал”-ын гол агуулга:
- Байгууллагын зардлаар харилцан айлчлах, зочлох, бэлэг өгөх, дайллага
зохион байгуулах, цагаан сараар золгохыг хатуу хориглоно. Газар бүр,
байгууллага бүр төрөл бүрийн “цайтай хурал”1, үдэшлэг зэргийг энгийн товч
зохион байгуулах, оны эцсийн ажил дүгнэх, шагнал гардуулах гэх мэтийн үйл
ажиллагааг багасгаж хязгаарлах, байгууллага хооронд баяр ёслолын
айлчлал хийхгүй байх, зохих зөвшөөрөлгүйгээр төрөл бүрийн баяр тэмдэглэх
ажил зохиохгүй байх. Дээд, доод албан тушаалтан, байгууллага, нэгж
хооронд албаны мөнгөөр бэлэг өгөх, дайллага хийхийг хориглоно. Бүх нутаг,
ӨЗО, муж, хотод очиж холбогдох байгууллагатай орон нутгийн уулзалт,
айчлал хийх, зочлохыг үл зөвшөөрнө. Хэрэв ийм үйл ажиллагаа зохион
байгуулахаар төлөвлөсөн бол цуцлах хэрэгтэй. Намын бүх шатны албан
хаагч доод байгууллагын дайллага, хүлээн авалтанд оролцохгүй байх, зохих
зөвшөөрөл өгч батлаагүй бол доод шатны байгууллагын баяр ёслолд
оролцож үл болно. - Дээд байгууллагад орон нутгийн онцлогт бараа бэлэглэхийг эрс хатуу
хориглоно. Аливаа байгууллага, орон нутаг, нэгж ямарваа нэгэн хэлбэрээр,
ямар нэгэн шалтгаанаар дээд байгууллагад орон нутгийн гэх бараа бэлэглэх,
үүнд хөнгөлөлтийн болон бэлгийн карт хамаарна. Бүх шатны намын
байгууллагын ажилтан нар ямар нэгэн шалтгаанаар доод байгууллагаас
бэлэглэсэн орон нутгийн онцлогтой бараа, бараа авах бичгийг хүлээн авч
болохгүй. Бүх шатны намын байгууллага өөрийн харъяа газарт сахилга,
журмыг чанд мөрдөж, дээр дурьдсан үйл ажиллагаа гаргахгүй байх талаар
дорвитой ажил зохиох хэрэгтэй. Журмыг онц ноцтой зөрчиж, орон нутгийн
онцлогтой бараа, бараа авах карт зэргийг хүлээн авсан эсвэл түгээж тараах
байдал гаргахаас сэргийлэх ёстой. - Бэлгийн зүйлс, алт, мөнгө, үнэт цаас, төлбөр тооцоо хийх болон худалдааны
төлбөр хийх урьдчилгаа төлсөн карт зэргийг хүлээн авч журам зөрчихийг эрс
хатуу хориглоно. Бүх шатны удирдах албан тушаалтан хариуцлага, сахилга,
хуулийг хатуу мөрдөж, шударгаар албан ажлаа явуулахад ноцтой нөлөөлж
болох дээрх бэлгийн эд зүйлсийг хүлээн авахаас эрс шийдвэртэй татгалзаж,
өөрсдөө хурим, найр хийж, эд мөнгө цуглуулах үйлдэл хэрхэвч гаргаж
болохгүй. - Мөнгө эд бараа дур мэдэн түгээх, ямбалахыг эрхэмлэх, баян хээнцэрээ
гайхуулах, үрэлгэн байхыг хатуу хориглоно. Оны эцэст мөнгө үрж элдэв
нөхвөр олгох, эд, мөнгөн шагнал өгөхийг үл зөвшөөрнө. Журмыг зөрчиж
мөнгийг орлосон бараа худалдан авч, төрөл бүрийн карт хэвлэх, борлуулах,
худалдан авахыг үл зөвшөөрнө. Төрөл бүрийн нэр хаяг ашиглан улсын
мөнгөөр өндөр өртөгтэй зугаа цэнгээн, бие чийрэгжүүлэх ажиллагаа зохион
байгуулах, оролцохыг үл зөвшөөрнө. Албаны мөнгөөр аялаж зугаалах,
жуулчлах, хувь хүнийг амраан жуулчлуулах, гадаадад аялуулах зэрэг үйл
ажиллагаа зохион байгуулж болохгүй. Журам зөрчин албаны унааг хувьдаа
хэрэглэхийг үл зөвшөөрнө. - Тогтоосон хэмжээг хэтрүүлэн хүлээн авалт зохион байгуулахыг эрс хориглоно.
Удирдах албан тушаалтан ажил шалгах, хуралд оролцох, доод шатанд очиж
судалгаа хийх зэрэгт Төв Хороо ба мужийн намын хорооны холбогдох
шаардлагыг чанд мөрдөж ажил үүргээ гүйцэтгэнэ. - Мөрийтэй тоглоом зохион байгуулах, оролцохыг хатуу хориглоно. Бүх шатны
намын гишүүд, албан хаагч нар мөрийтэй тоглоомын хор холбогдлыг сайтар
ойлгож, ямарваа хэлбэрийн мөрийтэй тоглоомын үйл ажиллагааг зохион
байгуулж, оролцож хэрхэвч болохгүй.
“Найман зүйл журам”-ын хэрэгжилт:
“БНХАУ даяар дээр дурьдсан 2 төрлийн журам хэрэгжиж эхэлснээс хойш
төрийн албаны үрэлгэн байдал, аливаа сөрөг үр дагавар арилсан ба цаашид дээрх
журмуудыг улам чанга хатуу болгоно” хэмээн ХКНТХ-оос мэдэгдсэн. Хятад Улсад
төрийн албан хаагчийг эрхлэлж буй албан тушаалаас нь хамаарч 27 зэрэгт ангилан
хуваадаг2 бөгөөд 2018 оны байдлаар төрийн албан хаагч 12 сая орчим, ХКН-ын
гишүүн 90 сая байгаа гэсэн судалгаа байдаг. 2018 оны 8 дугаар сарын байдлаар
36.618 төрийн албан хаагч “Найман зүйлийн журам” зөрчсөний улмаас
шийтгүүлсний Сум, салааны дэсийн 32.184, Хошуу тойрог, газрын дэсийн 3906,
Аймаг, хот, танхимын дэсийн 527, Яам, мужийн дэсийн 1 албан тушаалтан байна.
Дээрх албан тушаалтнуудын үйлдсэн гэмт хэрэг, зөрчлийг ангилан авч үзвэл:
¹ Журам зөрчиж мөнгө түгээсэн, нөхөн олговор эсвэл хангамж олгосон
28%,
¹ Журам зөрчиж бэлэг, алт мөнгө авсан-15%,
¹ Албаны автомашин хэрэглэх журам зөрчсөн-14%,
¹ Албаны мөнгөөр идэж, уусан-14%,
¹ Тогтоосон хэмжээг хэтрүүлж хүлээн авалт дайллага хийсэн, дайллага
хийх нөхцлийг бүрдүүлж өгсөн-11%,
¹ Сүртэй хурим найр үүсгэж, баяр ёслол тэмдэглэсэн-8%,
¹ Албаны мөнгөөр улсын дотоодод аялж зугаалсан-6%,
¹ Журам зөрчиж элдэв сүм хийд, холбоодын байраар орж, гарах асуудал
гаргасан- 3%,
¹ Албаны мөнгөөр гадаадад аялж зугаалсан-1% байна.
Хятад Улс дотооддоо авилга, хахууль, сахилга, хариуцлага алдаж буй
үйлдэлтэй хатуу тэмцэхийн зэрэгцээ уг гэмт хэргийг үйлдээд хилийн чанадад
зугтаасан, оргон зайлсан этгээдүүдийг Олон Улсын байгууллага, хоёр талын
харилцааны шугамаар баривчлан авчирч, зохих төрлийн хариуцлага оногдуулдаг
байна. Дээрх гэмт хэрэг үйлдсэн этгээдийн хөрөнгийг хураахдаа түүний үр хүүхэд,
ойр дотны садан төрлийн хөрөнгийг мөн адил хураан авдаг байна.
“Найман зүйл журам” хэрэгжиж эхэлснээс хойш илэрсэн тодорхой хэрэг:
“Найман зүйлийн журам” хэрэгжиж эхэлснээс хойш олонд мэдэгдэж, Хятад
Улсын төрд онц их хэмжээний хохирол учруулсан хэргээр Хятад Улсын Байнгын
хорооны гишүүн, Байнгын хорооны хуулийн зөвлөлийн гишүүн, НАХЯ-ны сайд асан
Жоу Юнь Каны шамшигдуулсан ба авлига авч цуглуулсан эрүүгийн хэргийг нэрлэдэг
байна.
Тэрээр гэмт хэргийн замаар олсон мөнгөөр:
¹ Хятадын байгалийн үзэмжит газруудад 326 тооны эдлэн газар,
¹ Дэлхийн хамгийн өндөр зэрэглэлийн автомашин 62,
¹ Эртний болон одоогийн нэрт зураачдын уран зураг 55 ширхэг /үнэ нь
багцаагаар 800 саяаас 1 тэрбум юань/ худалдан авч,
¹ Мөрдөн байцаалтын явцад бэлэн мөнгө:
Юань 105.200 сая,
Доллар 2.5 сая,
Фунт стерлинг 110 мянга,
Евро 660 мянга,
Швейцар франк 550 мянга,
Бусад улсын мөнгөн тэмдэгт 50 мянгыг тус тус хураан авчээ.
Мөн өөрийн нэр дээр эзэмшиж байсан хувьцаа:
¹ Нефть, агаарын тээвэр, архи, банк санхүүгийн гэх мэт хувьцааны нийт үнэ
51.3 тэрбум юань,
¹ Гадаадын томоохон компаний хувьцаа 170 сая,
¹ Хувийн хадгаламжинд 3.7336 тэрбум юань тус тус байжээ. – Нэгжлэгээр элдэв
буу сум 110 мянга олдсон байна.
Хятадын гүн ухаантан Ло Ши “Мөнгө хүнээс аюултай. Хүн бол мал. Мөнгө нь
малын зүрх, сэтгэл нь болчихдог. Мөнгөөр эрх мэдэл, эд хөрөнгө, эмс охид, хүссэн
бүхнээ худалдан авч болно. Түшмэд бол төрийн толь. Төр ямархан байгаа, улс
орноо хир удирдаж байгааг түшмэдийн байдлыг хараад дүгнэж болно” гэж 2000
гаруй жилийн тэртээд өгүүлж байжээ. Авилга, хээл хахууль, сахилга хариуцлагагүй
байдалтай тэмцэх нь төрийн зүй ёсны үүрэг боловч “Найман зүйлийн журам”-аар
дамжин ХКН-ын нэр хүндийг өсгөх, ард түмний итгэлийг олох, цаашлаад Олон улсын
хэмжээнд манлайлах байр суурьтай болох зорилготой болов уу хэмээн дүгнэж
байна.
БНХАУ-ын Ерөнхийлөгч, ХКН-ын ЕНБД Си Жиньпин “Шудрага бус, сахилга
хариуцлагагүй байдал, авилга, хээл хахууль зэрэгтэй тэмцвэл нам сүйрнэ
гэдгийг би мэдэж байна. Харин тэмцэхгүй орхивол улс сүйрнэ гэдгийг та
нар мэдэж байгаа” гэсэн байдаг. Уг журам нь хүний эрхийг бүдүүлгээр
зөрчсөн хэмээн зарим судлаач, Олон Улсын Хүний эрхийн байгууллагаас
дүгнэдэг боловч “БНХАУ-ын эрх ашиг нэгдүгээрт” гэсэн байр суурь
баримталдаг гэдгийг Ши Зиньпиний дээрх үгнээс тодорхой харж болно.
Шударга, ил тод, хариуцлагатай төрийн албыг төлөвшүүлж, төрийн бүх
шатны байгууллагад ажлын хариуцлага, сахилга, дэг журмыг чангатгах
зорилгоор Монгол Улсын Засгийн газраас удаа дараа баримт бичиг гаргаж,
биелэлтийг шаардсан. Дээрх ажлын үр өгөөжийг дээшлүүлэх, шударга, ил
тод, хариуцлагатай төрийн албыг төлөвшүүлж, төрийн бүх шатны
байгууллагад ажлын хариуцлага, сахилга, дэг журмыг чангатгахад
“Найман зүйлийн журам”-аас “Монголын хөрсөнд” нийцэх зарим зүйлийг
“шууд” авч хэрэгжүүлэх боломжтой санагдана.
Ашигласан материал:
– Ван Рун Ли “Хятад улс авилга, хээл хахуулийн эсрэг тэмцлийн илтгэл No
10,12”
– Ван Цун юй “Хятадын авилга, хээл хахуулийн эсрэг тэмцлийн түүх”
– Шилийнгол аймгийн намын хороо ба үзэл суртлын товчооны материалууд
– Байдү олон нийтийн цахим мэдээллийн сүлжээ.
Уншиснаа хуваалцая 
Leave a comment